Vidi fonton por Marcos Malke Cramer

* reiru al [[Membroj kaj korespondantoj]]
<hr>
<br>

'''Biografio de d-ro Markos Malke Kramer (Marcos Malke Cramer)'''

Markos Malke Kramer naskigxis en 1984 en Bonaero (Argentino) kaj kreskis cxefe en Germanujo. De 2003 gxis 2007 ri studis matematikon kaj filozofion en Oksfordo (Britujo). De 2008 gxis 2013 ri doktorigxis en Bonno (Germanujo) pri temo, kiu ligas matematikan logikon kaj komputan lingvosciencon. De 2013 gxis 2018 ri laboras kiel scienca kunlaboranto en la komputoscienca fako de la Universitato de Luksemburgo. De 2018 gxis 2024 ri laboris cxe la Tehxnika Universitato de Dresdeno, esplorante la ligojn inter logiko-bazitaj metodoj por artefarita inteligenteco kaj la efektiva rezonado de homoj. Ekde 2024 ri laboras kiel programisto kaj fakulo pri formala programcertigado cxe secunet Security Networks, firmao por sekuraj komuniksistemoj

Kramer eklernis Esperanton en 2000. De 2001 gxis 2006 ri aktivis en la Germana Esperanto-Junularo kiel interreta respondeculo kaj poste kiel estro de la Interreta Komisiono. De 2006 gxis 2009 ri estis la redaktisto de ''TEJO Tutmonde'', dumonata membrogazeto de la Tutmonda Esperantista Junulara Organizo. De Oktobro 2003 gxis proksimume 2010 ri estis aktiva kontribuanto al la Esperantlingva Vikipedio, kaj gxis nun foje kontribuas, aparte zorgante pri la lingva nivelo en la Vikipedio. Kramer verkis plurajn esperantologiajn artikolojn, pri tiel diversaj temoj kiel la konflikto inter el-interna kaj el-ekstera vortfarado, la demando kiel difini kiuj estas la kompetentaj parolantoj kiuj determinas la lingvan regularon, la esprimado de sekso en Esperanto, la signifo-evoluo kaj Akademia laboro pri la vorto "kazo", kaj riaj ideoj pri reta sistemo por krei fidindan Esperanto-vortaron.